未分類

光明頂 – 20170904 – 最後一晚。再見了,各位。

光明頂  – 最後一晚。再見了,各位。
主持人:講古佬 特別嘉賓:各位聽眾
———
不知不覺,光明頂已經做咗14年了。
講古佬從2013年開始接手光明頂的「宣傳工作」,直到現在都有4年時間了。

在本站出現之前有一個熱心聽眾一直在Youtube上轉載每晚的節目,仲有一班在各大論壇如「粵語協會」之類中載發的朋友。後來由於Youtube上面被封殺了,我才開了這個網站。
其實大家都唔需要話多謝我些什麼。呢一個網站無非都只系為一D唔熟悉電腦的朋友指條方便的道路而已,並不是目的地。要多謝應該多謝嗰D分享者。你地聽到資源都系源自呢一個個默默無聞的分享者嘅。

聽咗光明頂咁多年,「聽」住佢從以前的「談笑有鴻儒,往來無白丁」走到「門庭冷落可羅雀」,從「會當凌絕頂,一覽眾山小」走到「各人自掃門前雪,莫管他人瓦上霜」,不禁唏噓。
今日光明頂依然播著,但在我們這些老聽眾聽起嚟,呢個節目早就已經收皮了。現在的光明頂說白了,就只剩下一個軀殼,以前打下來的金漆招牌早已被磨光。呢隻爛船仲有幾根釘,恐怕連陶生都唔好意思講出口了。陶生又寫專欄又搞網媒又賣廣告,本就衣食無憂,依然留喺商台,除咗捱義氣實在想不出其他理由 。

最近,本人的另一個討論光明頂的Facebook專頁因多次(超過10次)被商台投訴而被逼移除。現在gmdwith網站的服務器供應商亦收到投訴,相信好快又要講再見了。
分析最近呢一連串的「投訴攻擊」得出一個結論就系:有人想呢個節目消失(正確嚟講應該系「淡出」)於人們視線。不但要消失,還要忘記!
如何實現?簡單!請垃圾嘉賓,講無聊內容,阻聽眾重溫,封網絡資源。就咁樣,一個金牌節目就咁樣被玩殘。雖然卑鄙,但系有用。
本站作為該節目最大的討論區,當然首當其衝。之後其他分享者被追擊恐怕也是時間問題。本站已經無資源、無時間去同一個咁大嘅商業機構對抗,唯有認命。但光明頂系唔會被忘記嘅,各位請放心,終有一日會出現一個可以自由重溫和討論光明頂精彩節目的手機APP嘅。那將會是其「投訴魔爪」無法伸到的領域。

至於如何重溫最近嘅節目,在此我就不便多講了,以免再被投訴。或許下面Facebook專頁有你想要的答案~


下面的Facebook專頁稍候有最新通知,敬請留意:https://www.facebook.com/%E5%85%89%E6%98%8E%E9%A0%82%E5%88%86%E8%88%B5-476585912709519/

Previous Post Next Post

You Might Also Like